Einföldustu spurningar í heimi verða skyndilega ótrúlega erfiðar þegar þú mátt ekki svara þeim rétt.
Svaraðu rangt til að vinna er íslenskt spurningaspil sem byggir á geysivinsæla leiknum á útvarpsstöðinni K100. Hugmyndin er einföld: þú færð fjórar laufléttar spurningar og hefur 15 sekúndur til að svara þeim öllum vitlaust. Inn á milli leynast spurningar þar sem þú átt að svara rétt, og þá fer heilinn alveg í hnút. Útkoman er hlátur, stress og frábær stemning við borðið.
Svona virkar spilið
- Lesarinn les fjórar spurningar upphátt, ein í einu.
- Þú svarar öllum rangt, eins hratt og þú getur.
- Ef spjaldið segir „svaraðu rétt“ þarftu að skipta um gír á augabragði.
- Sá sem klúðrar fæstum svörum vinnur.
Dæmi um spurningar
- Finnast kýr á Austurlandi?
- Er töluð þýska í Þýskalandi?
- Er „hús“ þriggja stafa orð?
Hljómar auðvelt? Prófaðu að svara þeim öllum vitlaust á fimmtán sekúndum.
Fullkomið fyrir
- Spilakvöld og partý með vinahópnum
- Fjölskylduboð og jólaboð
- Vinnustaðapartý og hópefli
- Jólagjöf, afmælisgjöf eða tækifærisgjöf
Um spilið
Íslenskt borðspil, samið og hannað á Íslandi. Höfundar eru Ásgeir Páll Ágústsson, Arnaldur Gauti Johnson og Kristinn Pálsson. Arnaldur Gauti og Kristinn eru einnig höfundar Nefndu 3 og komu að Skellur. Útgefandi er Steindropi ehf.
Skoðaðu líka Svaraðu rangt Jóla, Svaraðu rangt Krakka og öll íslensku spilin okkar.